Reciella entama nel mes d’avientu en Xixón “Escenines” un ciclu d’actividaes n’asturianu pa neños

Una ópera, un conciertu de música pop y dos cuntacuentacuentos conformen la ufierta que los dos próximos fines de selmana va tener llugar en Xixón.

ImprimirL’asociación “Reciella (families pol asturianu)”, entama nel mes d’avientu una serie d’actividaes n’asturianu que dos fines de selmana van averar a los neños y neñes de Xixón actividaes de distintos tipos, que tomen distintes “escenes” nes que se combina música, teatru, cuentacuentos… y coles que van poder esfrutar d’actividaes, les más d’elles de baldre, que van tener llugar nel Salón d’Actos del Colexu públicu Xovellanos y nel Teatru Xovellanos.

El ciclu foi presentáu por Reciella col nome de Escenines pa la Reciella y nel mesmu representaráse la ópera infantil Los amorinos de Bastián y Bastiana de Nun Tris teatru’l vienres 20 d’avientu nel Colexu Públicu Xovellanos a les 18.00 de la tarde con entrada gratuita. Al otru día, el sábadu 21, la Compañía d’Olga Cuervu va representar tamién a les 18.00 hores nel mesmu llugar, De Rosines, una obra na que los cantares y la música tienen un papel principal.

La siguiente fin de selmana va ser Carlos Alba quien va averar al traviés de títeres y siempres usando l’asturianu, la mitoloxía asturiana a lo más pequeño, col so espectáculu Mitoloxíes que se  va facer el vienres 27 a les 18.00 tamién nel Colexu Públicu Xovellanos.

A lo último, el ciclu cierra’l sábadu 28 cola presentación del discu Pop Piquiñín, un discu del grupu Petit Pop, íntegramente cantáu en llingua asturiana. Nel conciertu, que se va celebrar nel Teatru Xovellanos, va haber actuaciones d’invitaos y collaboradores del grupu. Esta ye la única actividá que nun  va ser gratuita, con una entrada de 3 euros pa neños y 6 p’adultos.

Advertisements

One thought on “Reciella entama nel mes d’avientu en Xixón “Escenines” un ciclu d’actividaes n’asturianu pa neños

  1. Pingback: Reciella entama nel mes d’avientu en Xixón “Escenines” un ciclu d’actividaes n’asturianu pa neños | Tierra alantre, la mesma fala

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s