Galeríes de Semeyes: Escenines

Apurrimos una galería de semeyes de les actividaes d’iviernu qu’axuntamos baxo’l nome de “Escenines”.

Nella vais poder ver la ópera infantil “Los amorinos de Bastián y Bastiana” de Nun Tris Teatru; la obra “Dos Rosines” de Compañía Olga Cuervo; el cuentacuentos “Mitoloxíes” qu’empobinó Carlos Alba “Cellero”; toes elles desarrollaes nel C.P.Xovellanos al que damos les gracies, n’especial al so director Mario Fueyo, poles facilidaes y les semeyes.

Otra miente tán tamién nesta entrada les semeyes del conciertu “Pop piquiñín” que tuvo llugar nun Teatru Xovellanos que cásique quedó completu coles más de 700 persones qu’acudieron a sentir los cantares n’asturianu de Petit Pop. Munchísimes gracies al grupu y collaboradores d’esti conciertu, a Araz Net por editar un discu tan prestosu, a Javi Lueje poles semeyes y el videu que verá la lluz en pocu tiempu,  y a la Fundación Municipal de Cultura del Ayuntamientu de Xixón y la Caxa Rural pol so sofitu pa toes estes actividaes.

Advertisements

Galería de semeyes del taller: “Afuracando calabaces”

Últimes actividaes

Dexámosvos equí delles semeyes de les últimes actividaes que realizamos en Reciella.

La primer d’elles un Amagüestu que tuvo llugar na Escuela La Caracola, de Tiñana, y na rodiada de la mesma onde fuimos a la gueta. Y la segunda un Alcuertru nel que dalgunos de los pas y mas animáronse a cuntanos unos cuentos bien prestosos.