Programa: Día de la Reciella 2015

PROGRAMA DÍA DE LA RECIELLA 2015

Domingu 4 d’ochobre de 2015 – Muséu del Pueblu d’Asturies (Xixón)

11.00. Taller de xuegos tradicionales asturianos
Entama Asociación Cultural Esbilla
12.00. Conciertu del Dúu Mestura 
13.00. Taller gastronómicu “Descubriendo los nuestros quesos” con Lluis Nel Estrada (“40 Primaveres”) y la colaboración de La Gijonesa.
14.00 Posa y xinta
16.00 Gynkana infantil: “Lletres nel Muséu”
17.00 Taller “Xugando cola música”
Entama Escuela de Música Tradicional La Quintana.
18.00 Conciertu músicos La Quintana
19.00 Danza Prima y Pieslle

Amás: Pintacares (12.00 y 17.00 hores), rifa de productos infantiles n’asturianu (18.30), tiendes del aire con llibros de lliteratura infantil y xuvenil, espaciu pa les asociaciones y los servicios de normalización llingüística, TV n’asturianu con “Presta Asgaya”, comida y bébora, y la esposición “Agora Quini, agora“.

*La entrada ye llibre y toles actividaes y talleres son gratuites sacante’l pintacares (1 €)
Los menores tienen de tar acompañaos por una persona adulta en tou momentu.
El taller gastronómicu precisa d’inscripción previa na tienda del aire de Reciella.

Advertisements

Programa: Día la Reciella 2014

El Día la Reciella, aventu qu’organiza  l’asociación “Reciella: Families pol asturianu” y que va tener llugar esti domingu 5 d’ochobre nel Muséu del Pueblu d’Asturies, yá tien programa zarráu.

Lo mesmo que na primer edición, celebrada nel mes de setiembre del añu pasáu, la programación, qu’entama a les 11 la mañana y rematará a les 7 la tarde cola danza prima, ta enllena d’actividaes de toa triba, simpre col asturianu como idioma vehicular.

Asina a partir de les 11.00 la mañana les asociaciones Trebeyos y Esbilla, van empobinar dos espacios con xuegos medievales y tradicionales asturianos respectivamente.

Un poco más alantre, a les 12.30 la mañana, ta prevista la exhibición infantil de Bolos organizada en collaboración cola Federación Asturiana, y que tendrá la bolera del Muséu del Pueblu d’Asturies como escenariu. Na mesma van participar neños y neñes federaes de la Peña Morcín, actuales subcampeones infantiles d’Asturies na modalidá de cuatriada.

Dempués de la xinta, que podrá realizase nel mesmu recintu al instalase un puestu de comida y bébora, el programa de tarde va entamar cola participación de los promotores de El cantar del vasu, iniciativa que tien por oxetu, pente medies del xuegu del vasu, visibilizar la importancia de la tresmisión xeneracional del idioma.

Una vuelta ximielgaos los vasos col cantar melgueru que los acompaña, ye tiempu de siguir cola música pente medies del taller d’instrumentos tradicionales dirixíu pol músicu David Varela, qu’entamará a les 17.00 hores de la tarde.

Una hora dempués, y como ramu a la xornada, tendrá llugar nel escenariu situáu nel Tendayu del Muséu’l conciertu acústicu de Pop Piquiñín, pal que tienen preparaes dos sorpreses: la participación de convidaos mui especiales y l’adelantu de dellos temes de “Nun mos gusten los llunes“, el so segundu discu n’asturianu.

Amás de toes estes actividaes, nel espaciu del Tendayu y el prau central van asitiase dellos puestos: los de lliteratura infantil y xuvenil de les editoriales Trabe y Pintar-Pintar, el de la Rede de Normalización Llingüística nos conceyos y el propiu de l’asociación Reciella, con información sobre l’asociación y dellos materiales nuevos y pintacares poniendo color a la Reciella a les 12 y 16.00 hores.

 

PROGRAMA: DÍA DE LA RECIELLA 2014

 

11.00 Xuegos Medievales (Trebeyos) y Xuegos Tradicionales Asturianos (Esbilla)

12.30 Exhibición Infantil de Cuatriada

         Bolera del Muséu del Pueblu d’Asturies

POSA y XINTA

16.00 “El cantar del vasu”

         Prau central

17.00 Taller d’Instrumentos Tradicionales

         Tendayu

18.00 Pop Piquiñín n’Acústico

         Tendayu

19.00 Danza Prima

         Prau central

Amás: llibros, música, pintacares…

Dende l’asociación Reciella recordamos que los menores tienen de tar acompañaos por una persona adulta el tolos talleres y actividaes.

Materiales nuevos Reciella

El Día la Reciella volverá al Muséu del Pueblu d’Asturies

Cartelu Día la Reciella 2014

Cartelu Día la Reciella 2014

L’asociación “Reciella: families pol asturianu” ta acabante facer públicu’l cartel pa la segunda edición del Día de la Reciella, que volverá a celebrase nel Muséu del Pueblu d’Asturies de Xixón.

Dende Reciella anuncien que la xornada, que tien por oxetu pasar un día en familia y n’asturianu, va tener llugar el próximu domingu 5 d’ochobre, dende les 11.00 hores hasta les 19.00 hores de la tarde.

Otra miente, y como yá ocurriera l’añu pasáu, habrá una serie de puestos fixos, como pudieren ser los de llibros de Lliteratura Infantil y Xuvenil n’asturianu, un puestu de les Oficines de Normalización Llingüística o’l propiu espaciu de l’asociación Reciella. Asina mesmo, el programa d’actividaes va comprender dende talleres de música tradicional a una exhibición infantil de bolos, que cuenta cola collaboración de la Federación Asturiana de Bolos; hasta la música que marcará la xornada de tarde.

El programa completu, asina como los horarios de les diferentes actividaes, van dase a conocer la selmana qu’entra.

Anunciu Día de la Reciella 2014:

Yá tenemos cartelu pal Día de la Reciella

Cartelu Día la Reciella 2014

Cartelu Día la Reciella 2014

Coincidiendo con esti día tan señaláu préstanos compartir el cartelu de la segunda edición del Día la Reciella, eventu que yá tien fecha y sitiu: será nel Muséu del Pueblu d’Asturies de Xixón el próximu domingu 5 d’ochobre, esto ye, dientro de dalgo menos qu’un mes.

Pente medies d’esta web y les redes sociales diremos dando anuncia más detallada de les actividaes y sorpreses que tenemos preparaes. ¡Tar sollertes y prestosu Día d’Asturies a toes y toos!

¡Munches gracies!

Aconceyaos esta selmana les persones que formamos parte de la Xunta Directiva de l’asociación Reciella pa valorar el desarrollu del Día la Reciella entamáu pola asociación, alcordamos que ye de xusticia dexar espresáu, con nomes y apellíos, el nuestru agradecimientu a les persones y entidaes que nos echaron un gabitu nesti día tan importante pa nós.

Son, ensin orden de prioridá, les que siguen:

Al Muséu del Pueblu d’Asturies, a toles persones qu’ellí trabayen representaes pol so director Juaco López Álvarez; a la Oficina de Normalización Llingüística de Xixón, y mui especialmente a la so responsable MªXosé Rodríguez López; a los protagonistes de los talleres, cuentacuentos y conciertos didácticos, especialmente a los non socios que lo ficieron de mou desinteresáu, esto ye, l’actriz Olga Cuervo, el maestru y músicu Nacho Fonseca y les componentes del grupu Petit Pop. A les persones que llenaron los espacios con llibros, les editoriales que compartieron la xornada con nós, Pintar-Pintar y Trabe; y a les que nos ficieron llegar les sos publicaciones, Asturtoons, Suburbia Ediciones y Academia de la Llingua Asturiana. A l’asociación Esbilla por prestanos los sos xuegos tradicionales, n’especial Dani García de la Cuesta. Tamién a Roberto Colunga y la Escuela de Música Tradicional La Quintana, representada en Javi Lueje, por apurrinos el so equipu de soníu. A Sestaferia Centru Social polos materiales de montaxe de los puestos.

Asina mesmo d’agradecer el gabitu nos diferentes puestos, acompañando na xera a los socios y les socies de les siguientes persones: Xicu Mata, Llinu Álvarez, Policarpo Mencía, Lucía Menéndez y Vitor Suárez. Tamién a Pablo Quiroga por ponese tres de la cámara esi día pa facenos un videu que pronto va ver la lluz.

Esperamos que nun se nos olvide nengún nome. ¡Munches gracies a toos y toes!

Programa del Día la Reciella

El Día la Reciella calienta motores y yá podemos confirmavos les actividaes previstes pa la xornada que va desarrollase’l domingu 1 de setiembre nel Muséu del Pueblu d’Asturies:

11.00 Taller de Traxe’l país: Asina vistíen n’Asturies 
12.00 Visita a la charca del Muséu: Viendo animalinos na Güelga 
13. 00 Cuentacuentos con Olga Cuervo: Cuentos pa tola familia
POSA
16.00 Taller de baille tradicional: A xugar baillando
17.00 Taller de música:  Vamos cantar una con Nacho Fonseca
18.00 Pop piquiñín: Petit Pop canten n’asturianu

Amás recordámoste que va haber zona pa mercar llibros de Lliteratura Infantil y Xuvenil n’asturianu, manualidaes y xuegos tradicionales tol día; polo que podéis venir colos vuestros neños y neñes en cualesquier momentu de 11.00 a 19.00 hores.

Otres cuestiones que puen interesavos:

– Dende l’asociación Reciella recordamos que los menores tienen de tar acompañaos por una persona adulta en tolos talleres y actividaes.

– La xornada cai en domingu, día de puertes abiertes nel Muséu del Pueblu d’Asturies; polo que tanto la entrada al Muséu como los talleres, música y xuegos van ser de baldre.

– El Día de la Reciella coincide con Rastru nel entornu del Muséu del Pueblu d’Asturies a lo llargo de la mañana, asina como partíu del Sporting nel estadiu d’El Molinón a les 12.00 hores; polo que recomendamos l’usu del tresporte públicu na xornada de mañana. Les llinies d’autobús que lleguen a la zona del Muséu son 1, 10 y 26. Pela contra na xornada de tarde nun ye previsible qu’haya problema d’aparcamientu al nun coincidir con más actividaes.